„Спорт“: На Дембеле тешко му паднало заминувањето на Гризман

Oсман Дембеле наскоро ќе се врати на терените. Францускиот репрезентативец се повреди на Европското првенство и уште од тогаш не играше.

Дембеле од доаѓањето во Барселона имаше големи проблеми со повредите и повеќе време помина по болниците отколку на терените. Договорот со каталонскиот клуб му е до крајот на сезоната и веќе од јануари ќе може да преговара со заинтересираните клубви.

„Во Барселона Дембеле се чувствува по малку осамено и без љубов. Многу го погоди заминувањето на неговиот најдобар пријател, Антоан Гризман“, пишува каталонскиот „Спорт“.

Минатата сезона Дембеле одигра 44 натпревари, најмногу откако стигна во Барселона. Постигна 11 голови и подели пет асистенции.