„Специјалниот“ во свој стил: Се надевам дека Биг Сем е наш пријател!

Жозе Мурињо потврди дека за натпреварот против Кристал Палас во последното коло од Премиер лигата ќе вклучи неколкумина млади фудбалери.

Кристал Палас во недела ќе гостува на „Олд Трафорд“, само три дена пред финалето од Лигата на Европа во кое Јунајтед ќе игра против холандски Ајакс.

Откако ремизираше против Саутемптон, јасно е дека Манчестер Јунајтед ќе заврши на шестата позиција во Премиер лигата, додека победа против Ајакс во финалето на тимот на Мурињо би му обезбедила и пласман во Лигата на шампионите наредната сезона.

„Ќе ги повикам Деметри Мичел, Скот МекТомини, Аксел Туанзабе, Ерик Бејли. Мети Вилкок истотака ќе биде во тимот, како и Зачари Дерлеј. Се надевам дека Биг Сем ќе се покаже како добар пријател и малку ќе попушти. Нека му кажа на Заха да попушти и нека го остави Бентеке дома. Се надевам нема да игра со полна пареа“, изјави Мурињо.