Спалети: Во Рома и магационерите се подобри од Пјаниќ!

Тренерот на Рома, Лучијано Спалети сигурно има нерасчистени сметки со Миралем Пјаниќ и даде доста „невкусна“ изјава во однос на Босанецот.

Пјаниќ ова лето ја напушти Рома и се пресели во големиот ривал Јувентус, а Спалети изјави дека „волчицата“ не треба да жали бидејќи сите во клубот, па дури и магационерите се подобри од него.

„Пјаниќ? Никој не жали за него, а нема и зошто. Овде дури и магационерите се подобри од него. Секој кој што игра во Рома е подобар од Пјаниќ. Вистина е дека тој е класа фудбалер, но јас како тренер на Рома сметам дека моите фудбалери се најдобри и имам право на тоа“, изјави Спалети.