Сопругата на Куман: Наутро не ни доручкува, веднаш оди во клубот

Роналд Куман минатото лето одлучи да ја напушти репрезентацијата на Холандија и да седне на клупата на Барселона.

Иако се избори за пласман на Европското првенство на крајот одлучи да ја напушти репрезентацијата поради Барселона. Во Барселона Куман дојде после отказот на Кике Сетиен.

Откако беше претставен за нов тренер на каталонскиот клуб Куман призна дека секогаш неговата желба била да се врати во Барселона и да биде тренер на првиот тим.

Куман е и тоа како посветен откако ја превзема Барселона, а тоа го потврди и неговата сопруга Бартина.

„Роналдо наутро воопшто не доручкува кога ќе се разбуди. Веднаш оди во просториите на клубот. Тој е максимално фокусиран на работата и сака да успее тука“, порача сопругата на стратегот на Каталонците.