Солскјер: Добро е што си заминаа Лукаку и Санчез

Ромелу Лукаку и Алексис Санчез изминатото лето го напуштија Манчестер Јунајтед и двајцата се пресели во Интер.

Јунајтед не доведе замена за нив двајца, Солскјер се потпре на играчите кои ги има на располагање. Поради заминувањето Лукаку и Санчез шанса доби и 17 годишниот Мејсон Гринвуд.

Гринвуд беше стрелец во натпреварот против Астана во Лигата на Ервопа.

Солскјер смета дека е добро што си заминале Санчез и Лукаку за тој да се истакне.

„За мене тоа беше вистинска одлука. Мислам дека Мејсон Гринвуд и клубот ќе профитираат, ова ќе биде важна сезона за нас. Не играше многу досега, но сега ќе добие минути да расте и да се развива“, изјави Солскјер после триумфот над Астана од 1:0.

Во наредното коло од Лигата на Европа Солскјер со Јунајтед ќе гостува кај АЗ Алкмар. Пред тоа го очекуваат натпревари со Вест Хем и Арсенал во Премиер лигата, како натпревар со Рочдејл во Лига Купот.