Соиграчот на Димитриевски: Можев да останам во Реал, но не сакав и излегов како победник

Шпанецот засега го обележа 19-тото коло во Примера.

Раул Де Томас е име за кое би требало многу да се пишува во иднина. Во овој момент тој настапува во Рајо Ваљекано како позајмен играч од Реал Мадрид.

Детето на „кралевите“ со хет-трик го обележа вчерашниот натпревар против Селта Виго.

После овој натпревар тој доби прашање зошто не останал во Мадрид минатото лето кога имал понуда од Лопетеги.

„Не мислам на моето враќање во Реал, тоа е целата вистина. Можев да останам, тоа веќе го кажав еднаш. Лопетеги сакаше да останам, но јас не сакав и излегов како победни. Не сакам да седам на клупа, сакам да се натпреварувам и да играм, тоа ме прави подобар“, изјави Де Томас.

Ќе потсетиме, Де Томас во Рајо е соиграч на македонскиот голман Столе Димитриевски.