Снајдер: Вотката ми беше најдобар пријател, уништив два брака

Поранешната ѕвезда на Реал Мадрид и Интер, Весли Снајдер си ја отвори душата и откри дека имал проблеми со алкохолот.

Снајдер иако направи одлична кариера, сепак жали што не постигнал повеќе, а откри дека имал проблеми со алкохолот.

Снајдер во 2007 година од Ајакс се пресели во Реал Мадрид и остана во гигантот две години, но жали што не живеел професионално.

„Не бев свесен дека преселбата во Реал ќе значи нешто лошо за мене. Бев млад и уживав во успехот. Не се дрогирав, но пиев алкохол и паѓав по улици. Трошев илјадници евра на пијалоци, не знаев дека најдобар пријател ми е вотката. Руд Ван Нистелрој ми го кажа тоа, Робен ми го повтори истото. Ми кажаа дека нема да издржам долго во таков ритам. Се забавував со лоши пријатели и жени“, откри Снајдер.

Холанѓанецот жали што поради таквиот живот уништил два брака и ја загубил жената на својот живот.

„Не знам што ме натера на тоа. Его? Пари? Моќ? Ме боли душата поради разделбата. Таа беше жена на моите соништа. Изгубив се и јас сум виновен за тоа“, изјави Снајдер.