Скандал: Уапсен Бентнер – му ја скршил вилицата на таксист!

Контроверзниот дански фудбалер, Никлас Бентнер направи нов голем скандал синоќа во Копенхаген.

Бентнер физички нападал еден таксист, а колку бил сериозен нападот зборува фактот што човекот завршил со тешки телесни повреди.

Таксистот после нападот хитно е префрлен во болница, каде бил опериран бидејќи имал скршена вилица.

„Нашиот возач претрпе сериозни повреди. Случајот е пријавен во полиција и можеме да потврдиме дека нападот го изврши Никлас Бентнер“, потврдија од такси компанијата.

„Лордот“ веднаш бил уапсен од страна на полицијата, а за сега нема никакви комепнари од страна на неговиот клуб Розенборг, ниту од менаџерот.