Сити го објави трансферот на новиот лев бек

Манчестер Сити и официјално го потврди трансферот на левиот бек Серхио Гомез, кој доаѓа од Андерлехт за 11 милиони фунти.

21-годишниот Шпанец потпиша четиригодишен договор и стана петтото ново засилување на „граѓаните“ ова лето, по Ерлинг Халанд, Калвин Филипс, Стефан Ортега и Хулијан Алварез.

Минатата сезона, Гомез, кој потекнува од академијата на Барселона, забележа 49 настапи во сите натпреварувања за белгискиот тим и го привлече вниманието на Гвардиола.

„Исклучително сум горд и среќен што доаѓам во Манчестер Сити. Ова е најдобриот тим во Англија и имам шанса да учам и да се развивам под водство на најдобриот менаџер на целиот свет, Пеп Гвардиола. Да бидам дел од овој клуб е остварување на сонот за мене“, изјави Гомез.

We are delighted to announce the signing of @sergiogm_10 on a four-year deal ✍️

Read more ⤵️

— Manchester City (@ManCity) August 16, 2022