Сите знаат дека веќе е играч на Јунајтед, само Мурињо „НЕ“!

Португалецот во свој стил, но кој се сеќава, знае дека вакво нешто веќе направи.

Сите познати англиски медиуми, на чело со „Скај Спорт“ пренесуваа дека Иван Перишиќ веќе е фудбалер на Манчестер Јунајтед.

Меѓутоа, рано утрово по средноевропско време после натпреварот против Солт Лејк Жозе Мурињо зборуваше на оваа тема.

Мурињо во свој стил само кратко одговори:

„Не знам ништо за тоа, навистина не знам ништо мои пријатели“, изјави Мурињо кога новинарите го прашаа за трансферот на Хрватот.

Сепак, да потсетиме дека Мурињо често пати знаеше да се прави „наивен“ иако работата веќе била завршена, а највпечатлив таков момент беше кога Вилијан допатува во Лондон да потпише договор со Тотенхем, но на изненадување на сите заврши кај Мурињо.