Симеоне го „краде“ Миленковиќ пред носот на италијанските клубови

Актуелниот шпански шампион Атлетико Мадрид покажува силен интерес за дефанзивецот на Фиорентина, Никола Миленковиќ, пренесува „АС“.

Миленковиќ има договор до 2023 година со „виолетовите“ и Атлетико веќе започнал преговори, па се верува дека двата клуба ќе најдат заеднички јазик за трансфер вреден 15 милиони евра.

Симеоне го сака дефанзивецот во јануари, додека Фиорентина не сака да го пушти на средина од сезоната и инсистира да го задржи до лето.

Атлетико сака да ја победи конкуренцијата и уште сега да го договори трансферот, а „јорганџиите“ во моментов му нудат најдобри финансиски услови во однос на другите заинтересирани клубови.