Се појавил проблем: Аморим ќе мора да почека за да го преземе Манчестер јунајтед

Веќе е добро познато дека Рубен Аморим ќе го преземе кормилото на Манчестер јунајтед, но Португалецот ќе мора уште малку да почека.

Спортинг вчера во последниот натпревар на Аморим на клупата славеше победа од 4:2 над Брага и тоа со голем пресврт во второто полувреме. Манчестер јунајтед претходно најави дека на 11 ноември (денес) Португалецот ќе започне со работа на „Олд Трафорд“, сепак ќе мора да почека.

Имено, како што пренесуваат медиумите на Островот Аморим ќе мора да почека уште неколку дена затоа што доцнела процедурата за издавање на работна виза.

Се до неговото доаѓање кое сигурно ќе биде набрзо тимот ќе продолжи да го води Ван Нистелрој.