Се огласи Мбапе: 100% сум сигурен каде ќе играм следната сезона!

Ѕвездата на Пари Сент Жермен, Килијан Мбапе во последно време силно се поврзува со трансфер во Реал Мадрид.

Шпекулациите за талентираниот Французин се засилија откако Зинедин Зидан се врати на клупата на „кралевите“.

Шпанските медиуми отидоа до таму и твдеа дека Зидан и Мбапе веќе имале таен разговор во кој фудбалерот дал согласност за трансфер на „Сантиаго Бернабеу“.

Притоа медиумите открија и детали од платата која ќе ја заработува Мбапе во Мадрид, како и сумата која „кралевите“ ќе ја потрошат за неговиот потпис. (ОВДЕ).

Меѓутоа, Мбапе реши да стави крај на сите шпекулации и во разговор за француските медиуми беше многу јасен околу неговата иднина – тврди дека ќе остане во екипата на ПСЖ и идната година.

„Да, верувам дека ќе бидам тука. Можам да кажам дека сум и 100% сигурен“, изјави Мбапе.

„После се што се случи, одлуката е донесена. Имавме многу проблеми после елиминацијата од Лигата на шампионите и навистина не сакам да го мачам клубот околу мојата ситуација. Нема потреба да се грижат, се е јасно“, додадед младиот Французин.