Се комплицира доаѓањето на Конте – Солари пред промоција во Реал!

Најеминентните шпански медиуми уште синоќа го најавија доаѓањето на Антонио Конте во Реал Мадрид, но најновите информации го тврдат спротивното.

После лошиот старт на сезоната и дебаклот во Ел Класико само прашање на време е кога Лопетеги и официјално ќе добие отказ. Перез веќе работи на негова замена, а прва желба секако е Антонио Конте.

Меѓутоа, Италијанецот се уште не го решил својот однос со поранешниот клуб. Тој се уште не го раскинал договорот со Челзи, а притоа покрена и правна постапка против клубот.

Следната недела претстои судење на кое Конте бара 10 милиони евра како компензација. Токму поради бирократските причини тешко дека Италијанецот набрзо може да биде слободен и да потпише договор со Реал Мадрид.

Последните информации од „Скај Спорт“ се дека сега фаворит за тренерското столче на „Сантиаго Бернабеу“ е Солари, кој моментално ги предводи младинците.

Avanza la candidatura di Santiago #Solari per la panchina del #RealMadrid ⬇https://t.co/sJ4RtYtgFy

— Gianluca Di Marzio (@DiMarzio) October 29, 2018