Се е готово! Реал обезбеди засилување од 60 милиони!

Шпанскиот гигант Реал Мадрид ќе го реализира трансферот на младиот бразилец Винисијус Јуниор од Фламенго.

Како што пренесува бразилскиот„Глобеспор“, еден од најголемите таленти од Бразил веќе ги поминал лекарските прегледи, клубовите се договориле, па преостанува само Винисиус да стави потпис на договорот со „кралевите“.

Според истиот извор Реал ќе плати 61 милион евра за неговите услуги, но Бразилецот веројатно ќе остане во Фламенго до 2018 година.

Иако има само 16 години, тој ќе дебитира за Фламенго во бразилскиот шампионат, а тоа доволно зборува за каков талент се работи. Да потсетиме Реал оваа недела веќе заврши уште еден голем трансфер, бидејќи нов член на клубот треба да стане и Тео Ернандез.