Сега и официјално: Арсенал го претстави Папастатопулос

Арсенал официјално го објави трансферот на грчкиот дефанзивец Сократис Папастатопулос, кој доаѓа од Борусија Дортмунд.

Иако финансиските детали од трансферот не се откриени, медиумите пренесуваат дека „топџиите“ за потписот на Саократис платиле 17.6 милиони фунти, а дефанзивецот потпиша 4-годишен договор.

„Среќен сум. Ова е мојот прв ден овде, но сè е специјално. Моментот е прекрасен и јас сум многу возбуден, бидејќи Арсенал е клуб со традиција и со одлични фанови“, изјави Сократис.

Ова е трето засилување за Арсенал за новата сезона, откако претходно „топџии“ станаа голманот Бернд Лено и Стефан Лихштајнер.