Сега е јасно: ОВОЈ тренер е наследникот на Зидан!

Проблемите во Реал Мадрид се натрупуваат, па во овој момент изгледа дека „кралевите“ нема да можат да ја стопат разликата со Барселона, ниту да ги надминат проблемите во соблекувалната.

Се погласно се шпекулира дека Зидан на крајот на сезоната ќе добие отказ, особено ако не успее да ги одбрани трофеите во Примера и Лигата на шампиони.

Веќе подолго време медиумите лецитираат со неколку имиња, но првиот пик на раководството е италијанскиот тренер, Антонио Конте.

Во Реал веруваат дека тој е вистински избор бидејќи умее да наметне челична дисциплина, авторитетен е, а и знае да се справи со играчите кои создаваат проблеми.

Конте има долг договор со Челзи, но не е задоволен на „Стенфорд Бриџ“ и е во расправија со управата, па најверојатно на крајот на сезоната спогодбено ќе го раскине договорот.

За него интерес покажува и Милан, кој денес му врачи отказ на Монтела, но јасно е дека прв избор за Конте ќе биде Реал Мадрид, кој ќе биде третиот Италијанец на клупата на „кралевите“ после Капело и Анчелоти.