Светскиот шампион и член на Барселона ја завршува кариерата!?

Францускиот стопер Самуел Умтити веќе некое време е надвор од терените поради повреда на коленото.

Овој 25 годишник во Барселона на терените се очекуваше да се врати на почетокот на следната година, но се појавија нови вести кои би можеле да бидат исклучително лоши за Умтити и неговиот клуб.

Имено, Умтити има проблеми со рскавицата која му се појавила во раната младост, иако е реткост да се појави кај помлади.

Некои извори од Шпанија тврдат дека состојбата на Умтити е толку сериозна што во прашање може да ја доведе и неговата кариера.

Шпанските медиуми веднаш се потсетија на Карлес Пујол кој своевремено поради истиот проблем нешто порано замина во фудбалска пензија.

Барселона не се огласила на оваа тема, но тоа би можела да го направи наскоро, посебно ако се покаже дека информациите се лажни.