Сари го отпиша, па сега прави трансфер во Серија А?

Англискиот дефанзивец Гери Кејхил ќе биде една од метите на Милан овој јануари.

Како што е познато Кејхил во изминатите седум години го носеше дресот на Челзи, но со доаѓањето на Маурицио Сари на клупата на „сините“ беше преселен на клупата за резерви.

Кејхил не е во плановите на Сари, па од стартот на сезоната само на еден натпревар доби шанса и тоа на теренот помина само 20-тина минути.

Поради ваквата ситуација многу веројатно дека Челзи нема да прави проблем тој да замине.

„Кориере дело Спорт“ пренесува дека во овој момент фаворит за неговото доведување е екипата на Милан.

Овој искусен стопер има 32 години и во кариерата го носеше дресот на Астон Вила, Барнли, Шефилф и Болтон.

https://www.youtube.com/watch?v=eRixHMvQQ_0