Селекторот на португалската репрезентација Фернандо Сантош и една од ѕвездите, Бернардо Силва со голем респект зборуваа за македонската репрезентација.
После победата над Италија, македонската репрезентација и гостува на Португалија во финалниот бараж за пласман на Мундијалот.
Роналдо - човек рекорд! Франција и Белгија во дербито на денот! ↓↓↓
„Против Македонија треба да покажеме почит кон противникот каков што би имале да беше Италија наш ривал. Овие мечеви не се шега. Финале е и се може да се случи. Мора да бидеме фокусирани како што бара еден ваков натпревар. Екипа која оди на теренот на европскиот шампион и го победува, заслужува респект“, изјави Сантош.
„Македонија како гостин победи на четири од нејзините пет последни средби во квалификациите за СП. На две од нив против гиганти како Германија и Италија, и тоа кажува многу.Тие се агресивен тим, ќе нè притиснат и ќе дојдат со голема самодоверба. Притисокот кај нас секогаш постоеше затоа што не се работи за ривалот, туку за пласман на Светското првенство. Мораме да бидеме во Катар и не смееме да ги изневериме нашите навивачи“, изјави Бернардо Силва.
Учество во игри на среќа е дозволено за лица со 18+ години. Играј одговорно!