Руни си стои на зборот, одби 50 милиони од клубот од Премиер лигата!

После Евертон се појави нов кандидат, спремен да плати богатство за Вејн Руни, но „Ваза“ е човек од збор.

Ситуацијата е јасна, Руни нема да игра за ниту еден клуб во Премиер лигата, освен евентуално Евертон од каде што и дојде во Јунајтед. Иако и таа понуда не го привлекува, од друга страна пак во Кина го очекаа огромни пари.

Но, се појави Стоук. Имено, клубот чиј сопственик е компанијата „Бет356“, најголемата обложувалница во светот може без проблеми да го финансира доаѓањето на Руни.

На Руни му беа понудени повеќе од 50 милиони евра за четиригодишен договор, со што практично би ја завршил кариерата во редовите на „грнчарите“.

Тоа би му овозможил да остане со семејството во Англија, но изгледа дека и покрај тоа што Марк Хјуз го убедува, од тоа нема ништо. Тој одлучи, ќе замине во Кина, клубот сеуште не е познат, ќе разговара со семејството, но изгледа дека тие нема да одат со него во Азија.