„Росонерите“ не се шегуваат: Последно предупредување за Донарума!

Вистинска драма се создаде околу продолжувањето на договорот на младиот голман на Милан, Донарума.

Милан повеќе нема трпение. Донарума има договор со Милан до 2018 година, а Раиола кој е негов менаџер успеа да издејствува Донарума да добива 4.5 милиони евра годишно.

Сепак, Раиола не се задоволи со тоа, од управата на „Росонерите“ бара во договорот да има клазула.

Имено, тој сака да го обезбеди својот клиент во случај Милан да не обезбеди пласман во Лигата на шампионите. Тоа на клубот воопшто не му се допаѓа, однесувањето на Раиола исклучително ги иритира луѓето во Милано, па младиот голман веројатно ќе мора да бира, или Милан, или Раиола.

Ќе видиме како работите ќе се развиваат, голем број европски клубови го следат развојот на ситуацијата. Донарума нема потреба да се грижи за својата кариера останува да се види дали ќе остане лојален на клубот за кој навива од мали нозе.