„Росонерите“ во еуфорија – пристигна Кака (видео)

Легендарниот Рики Кака денес пристигна во Милано, прво го посети музејот во „Каса Милан“, а потоа замина на средба со раковоството.

Кака најверојатно ќе се врати во својот Милан, но се уште не е јасно во која улога. Тој самиот вели дека не знае дали сака да продолжи да игра фудбал, а навивачите сакаат да го видам на пролет како се простува од фудбалот во дресот на Милан.

Раководството најверојатно ќе му понуди некое директорско место, а самиот Кака не ја отфрли можноста, но вели дека се уште нема донесено конечна одлука.

„Пресреќен сум. Мојата љубов кон овој клуб и навивачите е неверојатна. Вистина е дека постои можност да се вратам во клубот и самото тоа ме возбудува уште повеќе. Разговарав со Фасоне, но се уште не сум донел конечна одлука што сакам да правам. Врската помеѓу Милан и мене е нераскинлива“, изјави Кака.

@KAKA entra a Casa Milan. Guarde le immagini di @MilanNewsit [ @AntoVitiello @TRolfi ] #Kaka #Milan #CasaMilan pic.twitter.com/XO0tmTlUNu

— MilanNews.it (@MilanNewsit) November 23, 2017