Репрезентацијата на Португалија се прости од Европското првенство откако Франција во вчерашниот натпревар беше подобра по подоброто изведување на пенали.
По 90 минути и дополнителните 30 резултатот беше 0:0, додека во пенал серијата Французите беа подобри со 5:3. Единствениот кој не реализираше кај Португалците беше Жоао Феликс.
Диск голф го освојува светот, а го нема во Македонија!? ↓↓↓
Кристијано Роналдо првенството го заврши без постигнат гол од игра и со една асистенција, иако имаше 23 удари кон противничкиот гол. Во своето шесто Европско првенство, Роналдо за првпат одигра натпревар во кој не постигна гол.
Новинарот Даниел Риоло кој на социјалните мрежи го следат повеќе од 600.000 луѓе смета дека Роналдо на ова ЕП претставувал проблем за Португалците.
„Ми се допаѓа Португалија, тоа секогаш сум го зборувал. Имаат одлични играчи. Ме чуди што од 2016 година кога го освоија Европското првенство немаат подобри резултати. Разбирам дека Роналдо е легенда, но веќе со години не придонесува многу. Исто беше и сега. Португалија играше со 10 играчи. Пишував и претходно, не ми се допаѓа да го гледам ваков. Тој е легенда морате да го респектирате, но сега ја спречи Португалија да оди подалеку“, објасни Риоло.
Роналдо во Германија со 39 години многу веројатно го одигра своето последно Европско првенство, додека има голема желба да настапи и на Мундијалот за две години.
Дресот на репрезентацијата на Португалија го носеше на 212 натпревари во кои постигна 130 голови и запиша 47 асистенции.
Учество во игри на среќа е дозволено за лица со 18+ години. Играј одговорно!