Роналдо со вчерашниот гест ја воодушеви Италија: Тој е шампион! (ВИДЕО)

Кристиано Роналдо во вчерашниот натпревар на Јувентус во кој „старата дама“ славеше победа од 3:0 се запиша во листата на стрелци во 70-тата минута.

Постигнатиот погодок Португалецот го посвети на својот соиграч Паоло Дибала.

Роналдо погодокот го прослави со заштитниот знак на Дибала кој минува низ е еден проблематичен период.

Аргентинецот од Јувентус оваа сезона не е во препознатливата форма, а против Сасуоло натпреварот го започна о клупата откако против Парма ја напушти клупата за резерви пред крајот на натпреварот.

Гестот на Роналдо го прокоментира прославениот италијански дефанзивец, Алесандро Костакурта.

„Прекрасен гест од Роналдо за Дибала кој минува низ тешки моменти. Роналдо е шампион и не само со топката во нозе“, порача Италијанецот.

@cristiano dedicates his goal to @paulodybala • mixes his celebration with the Dybala Mask ? pic.twitter.com/beD3A5ByNX

— Cristiano Ronaldo Motivation (@cristianomotive) February 10, 2019