Роналдо: Продолжувам да докажувам дека сум најдобриот!

Ѕвездата на Реал Мадрид, Кристиано Роналдо и понатаму е убеден дека во светот нема подобар фудбалер од него.

„Секогаш кажувам дека сум најдобриот, бидејќи верувам во тоа и секојдневно го докажувам на теренот“, изјави Роналдо за време на церемонијата на која ја доби наградата за фудбалер на годината во Португалија.

„Ова е прекрасен момент и сакам да ја споделам радостасо моите соиграчи. Минатата година беше исклучителна за мене како на индивидуално, така и на тимско ниво. Освоив пет трофеи со Реал, ја добив Златната топка и три деца за три месеци. Оваа награда им ја посветувам на моите четири деца“, истакна Роналдо.

Роналдо доби најмогу гласови од португалските новинари пред голманот на Спортинг, Руи Патрисио и ѕвездата на Сити, Бернардо Силва.

#Cristiano Ronaldo menerima The Quinas de Oro Award sebagai The Best Portuguese Player 2017. https://t.co/JOjsfgL0OO pic.twitter.com/Zzo45yQGf4

— Madrid_Mal ?? (@Madrid_Mal) March 20, 2018