Рома пронајде засилување и тоа од Барса

Рома оваа сезона има големи проблеми со десната бековска позиција…

Засилувањето од Фејенорд Карсдроп стигна повреден, а потоа заработи и потешка повреда и тоа е голем хендикеп за „волчицата“.

Бруно Переш исто така не е целосно опоравен, на таа позиција може да игра и Флоренци, но и тој имаше долга пауза па тешко дека ќе може да игра на три фронта.

Поради тоа Еусебио Ди Франческо бараше десен бек, а директорот Мончи го пронајде во Барселона.

Во прашање е Алеш Видал кој наводно се согласил да дојде во Рим. Имено, тој би пристигнал на позајмица со право на откуп за сума од околу 15 милиони евра.

Овој фудбалер никогаш не успеа да го замени Дани Алвеш, сега Семедо добива предност, а тука е и Серхио Роберто кој кај Луис Енрике играше на таа позиција.

Мончи Видал веќе еднаш успеа да го доведе и тоа додека работеше во Севиља од редовите на Алмерија, а потоа и го продаде на Барселона после само една сезона во Андалузија.