Рома на чекор од големо засилување

Аркадиуш Милик ова лето сигурно ќе го напушти Наполи, а во моментов најсериозен кандидат за неговиот потпис е Рома.

Милик влезе во последната година од договорот и одби да ја продолжи соарботката, па Наполи го стави на продажба.

Полјакот имаше договор со Јувентус, но „старата дама“ ги промени плановите, па сега Рома е во пол-позиција за неговиот потпис.

Италијанските медиуми пренесуваат дека „волчицата“ понудила 25 милиони евра, а на Милик му нуди 5-годишен договор со плата од 4,5 милиони евра по сезона.

Се очекува трансферот да се комплетира во наредните денови, а доаѓањето на Милик најверојатно ќе значи заминување на Един Џеко.