Рома го претстави третото засилување ова лето

Зеки Челик е нов фудбалер на Рома. Турскиот фудбалер потпиша четиригодишен договор со италијанскиот клуб.

Рома за услугите на овој играч на Лил му плати седум милиони евра оштета, а францускиот клуб ќе добие 15% од наредната продажба на фудбалерот. Челик игра на позицијата десен бек и ќе биде главен конкурент на Рик Карсдроп за стартниот состав.

Турскиот репрезентативец во дресот на францускиот клуб одигра 13 натпревари во Лигата на шампионите, а вкупно 143. Тој е третото засилување за Рома после Немања Матиќ и Миле Свилар.

„Имам големи амбиции и желба со клубот да постигнам успех. Спремен сум и фокусиран, никогаш не се откажувам и од мене нема да видите да не се борам на теренот“, изјави Челик на својата промоција.

👋 @mzekicelik17 pic.twitter.com/vhJs74x7Vm

— AS Roma (@OfficialASRoma) July 5, 2022