Родриго нема мир после караницата со Меси

Фудбалерот на Реал Мадрид, Родриго нема мир од навивачите по неговата расправија со Лионел Меси за време на мечот меѓу Бразил и Аргентина.

На натпреварот на „Маракана“, Родриго имаше кратка расправија со легендарниот Аргентинец, па потоа неговите навивачи застанаа во одбрана.

Родриго не остана мирен и преку социјалните мрежи им објави „војна“ на расистите.

„Расистите не спијат. Моите социјални мрежи се полни со навреди. Ако не го правиме она што тие го сакаат, ако не се однесуваме како што мислат дека треба, ако носиме нешто што им пречи, ако не ја наведнеме главата кога ќе не нападнат, расистите со своето криминаљлно однесување преземаат акција. Па, нема да застанеме“, истакна Родриго.