Реал спреми понуда за Погба која не се одбива

Зинедин Зидан е спремен на се за да го доведе својот сонародник на „Бернабеу“.

Французинот по секоја цена сака да го види Погба во својот тим и тоа во зимскиот преоден рок. Одолеваше Манчестер Јунајтед во текот на летото на понудите, па Реал остана без својата мета.

Меѓутоа медиумите најавуваат дека Реал нема да се откаже од Французинот, иако не е спремен да плати 160 милиони евра колку што бараат „црвените ѓаволи“.

Шпанските медиуми пренесуваат дека „кралевите“ спремиле нова понуда и се спремни на „Олд Трафорд“ да го испратат  Герет Бејл или Иско, плус пари за Французинот.

Јунајтед нема лесно да се откаже од Погба, но оваа понуда е прифатлива за англискиот клуб бидејќи Солскјер ќе добие офанзивен фудбалер каков што сака.