Реал почна преговори со ѕвездата на Лестер

Реал Мадрид е силно заинтересиран за дефанзивниот играч за врска на Лестер, Вилфред Ндиди, пренесуваат шпанските медиуми.

Анчелоти е во потрага по играч кој ќе може да биде алтернатива за Каземиро и смета дека Ндиди перфектно би се вклопил во неговиот стил на игра.

Минатото лето пристигна Камавинга, но Французинот не е таков профил на играч, па Анчелоти сака да донесе играч со подефанзивни карактеристики.

Ндиди се етаблираше во еден од најдобрите дефанзивни играчи за врска во Премиер лигата е мета на многу европски гиганти.

„Кралевите“ се спремни да ја победат конкуренцијата и веќе ги почнале преговорите со неговиот агент.