Пандемијата со коронавирусот ги погоди и фудбалските клубови кои бележат милионски загуби.
Имун на пандемијата не остана ниту Реал Мадрид, кој загубил повеќе од 100 милиони евра од приходите, пренесуваат шпанските медиуми.
Се за новиот формат во Лигата на Шампиони! ↓↓↓
Според извештајот, мадриѓаните имаат загуба за 13% во приходите, што е преку 100 милиони евра, а без оглед на кризата, со низа мерки што клубот ги преземал, на крајот оставил нето добивка од 313 илјади евра.
„Кралскиот клуб“ сезонава ќе има 617 милиони евра за трошење, односно 300 милиони евра помалку од планираното пред пандемијата.
Ова најверојатно значи дека нема да има посериозни трансфери следното лето, иако се најавуваше дека Реал ќе тргне по потписот на Килијан Мбапе.
Финансиската криза им создаде големи главоболки на „кралевите“ кои потрошија половина милијарда евра за реновирање на „Сантиаго Бернабеу“.
Real Madrid says pandemic cost the Spanish league soccer giant more than 100 million euros. https://t.co/lJB3IinwVx
— AP Sports (@AP_Sports) December 3, 2020