Реал Мадрид против Бетис победи, но „кралевите“ запишаа катастрофална статистика

На крајот најважно за Солари е што Реал Мадрид запиша победа.

Реал Мадрид запиша важна победа против Бетис во Севиља, а на својот поранешен клуб му пресуди Дани Себаљос кој погоди од слободен удар во финишот од натпреварот.

„Кралевите“ не блескаа, стигнаа до победата и тоа е единственото што е важно, но еден податок навистина „паѓа во очи“.

Екипата на Солари вчера имаше посед на топка од мизерни 26%, додека играчите на Бетис беа господари на теренот со дури 74%.

Кога во прашање се успешните додавања, пулените на Кике Сетиене запишаа 713 точни додавања, додека гостите од Мадрид имаа само 254.

Навивачите сигурно ќе сетат на епизодата на Фабио Капело и во мадритскиот клуб каде што ја освои титулата, но практично беше избркан зошто играше премногу дефанзивно.