Реал Мадрид – Ливерпул: Битка на титаните во престолнината на Шпанија

Два од едни од најуспешните тимови во историјата на европските купови ќе се соочат во главниот град на Шпанија во вторник навечер, во рамки на ¼ финалето од фудбалската Лига на Шапиони.

Реал Мадрид го пречекува Ливерпул, во меч во кој домаќините ќе бараат да обезбедат предност на стадионот „Алфредо ди Стефано“ пред реваншот на „Енфилд“ на 14-ти април.

Реал се наоѓа во одлична форма

Реал Мадрид е најуспешниот тим во историјата на Лигата на Шампионите, освојувајќи го ова натпреварување во 13 наврати, вклучително и четири пати во последните седум години, но тие беа елиминирани во осминафиналето во последните две години, губејќи од Ајакс, односно Манчестер Сити.

Избраниците на Зинедин Зидан не беа сметани за еден од фаворитите во ова натпреварување на почетокот на сезоната, но тешко е да се намалат нивните шанси со оглед на нивното искуство.

Не беа најдобри во групната фаза оваа сезона, освојувајќи само три од своите шест натпревари во групата Б, но тие успеаја да соберат 10 поени за да завршат на врвот на групата со Менхенгладбах, Интер и Шајхтор.

Аталанта беше нивни противник во осминафиналето, но тоа се покажа како релативно рутински двомеч за избраниците на Зидан, кои забележаа победа од 0:1 на гости на првиот натпревар пред да победат со 3:1 во шпанската престолнина.

Мадрид имаа свои проблеми оваа сезона, но имаат освоено девет од последните 11 натпревари во сите натпреварувања, вклучувајќи ја и победата со 2:0 над Еибар во саботата, што ги пресели на три бода од лидерите во Ла Лига, Атлетико Мадрид.

Клоп нескромно најави титула во Лигата на Шампионите

Ливерпул во саботата вечерта го забележа еден од своите најдобри настапи во сезоната на гостувањето кај Арсенал. Диого Јота погоди двапати, а еден гол постигна Салах во победата од 0:3 на стадионот „Емирати“ против Арсенал. Резултатот ги помести „црвените“ на петтата позиција, само два бода од првите четири. Сега конечно се чини дека се вратија на вистинскиот пат, постигнувајќи три победи во низа во сите натпреварувања.

Тимот на Јирген Клоп загуби на домашен терен од Аталанта во групната фаза оваа сезона во Лигата на шампионите, но сепак успеа да се најде на првото место со 13 поени од своите шест натпревари против Аталанта, Ајакс и Митјиланд.

Како и Реал Мадрид, така и англискиот гигант многу полесно од очекувањата го елиминираше Лајпциг славејќи на два пати со идентични 2:0.

Нема сомнение дека ова е разочарувачка сезона за екипата, бидејќи тимот воопшто не беше во можност да ја брани титулата во Премиер лигата, но завршувањето во топ четири и освојувањето на Лигата на шампионите ќе го претвори очајот во успешна кампања. Токму тоа е целта на Клоп оваа сезона и тој нескромно го најавува тоа постојано.

Ливерпул, всушност, победи на 15 од последните 23 европски натпревари, но победи само на два од последните 12 натпревари против шпански екипи, претрпејќи осум порази во овој процес. Тоа веројатно е најголемата мака на Клоп пред овој меч.