Реал Мадрид без размислување одбил понуда од 90 милиони евра

Реал Мадрид без размислување одбил понуда вредна 90 милиони евра за својот играч за врска, Федерико Валверде, пренесува „Марка“.

Шпанскиот медиум пренесува дека на „Бернабеу“ пристигнала понуда од еден премиерлигаш од 90 милиони евра за уругвајскиот фудбалер, но „кралевите“ без размислување ја одбиле истата.

Нема потврда, но се шпекулира дека станува збор за Челзи. Валверде има договор со Реал Мадрид до јули 2027 година, а во шпанскиот гигант очигледно сериозно сметаат на него во иднина.