Рангник се пошегува на прашање за Халанд: Тоа е нонсенс!

Манчестер Јунајтед денес и официјално го претстави Ралф Рангник, кој ќе ги води „црвените ѓаволи“ до крајот на сезоната.

Германецот потоа ќе остане на „Олд Трафорд“ во следните две години како советник и ќе работи на трансфери.

Медиумите пред два дена објавија дека негова мисија ќе биде да го убеди Халанд да се пресели во Манчестер Јунајтед, а за тоа ќе добие 10 милиони евра како бонус.

„Чекајте да проверам. Десет милиони за Халанд, 10 милиони ќе земам за Мбапе, 10 милиони за Левандовски, 10 милиони за Кимих. Не, ова е нонсенс. Нема такви работи во мојот договор“, се пошегува Рангник.

„Воопшто не разговаравме за нови играчи. Сега е време детално да се запознам со актуелниот тим, дефинитивно тука има многу играчи. Можеби по Божик ќе разговараме за некави трансфери. Лично не сакам зимски трансфери“, додаде Германецот.

#RalfRangnick jokes and shuts down rumours about #Haaland & other superstars joining #mufc pic.twitter.com/cjgmeiBQTc

— Rangnick Reds (@RangnickReds) December 3, 2021