Рамос открил кој ќе биде неговиот следен клуб!

Серхио Рамос после 16 години се опрости од Реал Мадрид.

Рамос во кралскиот клуб пристигна во 2005. година од Севиља и се покажа како одлично засилување. Претходните 16 години беше стандарден член на Реал, а се очекуваше во овој клуб и да ја заврши својата кариера.

Меѓутоа, пред неколку дена Рамос одржа прес конференција на која се опрости од Реал Мадрид и потврди дека после 16 години ќе го напушти Бернабеу.

Овој 35-годишен фудбалер сигурно без проблеми ќе најде нов ангажман бидејќи доби неколку понуди од големи клубови.

Еден од нив е богатиот ПСЖ.

Француските медиуми тврдат дека Рамос на дел од соиграчи им го открил новиот клуб, а тоа е токму ПСЖ.

Се тврди дека преговорите започнале и лесно може да се случи Рамос во наредните сезони да го гледаме во Лига 1.

Серхио Рамос претходната сезона одигра 21 натпревар во сите натпреварувања, постигна четири погодоци и запиша една асистенција.

Да потсетиме, Рамос не доби повик од селекторот на Шпанија Енрике за ЕП, па ќе добие дополнителен одмор, но и доволно време да пронајде нова средина.