Ракитиќ на лето се сели во Мадрид

Иван Ракитиќ најверојатно ја игра последната сезона во Барселона, а шпанските медиуми најавуваат дека на лето би можел да се пресели во Мадрид.

„Кадена Сер“ пренесува дека Хрватот е најголемата трансфер цел на Атлетико Мадрид и дека „јорганџиите“ веќе стапиле во контакт со неговиот агент.

Ракитиќ отворено изјави дека не бил задоволен од минутажата која ја добиваше кај Валверде и дека размислувал да си замине во јануари, а тоа најверојатно ќе се случи по завршувањето на сезоната.

Барселона на лето ќе има последна шанса да заработи на неговото заминување, и нема да има против да го продаде плејмејкерот на големиот ривал од Мадрид.

Интерес за Ракитиќ покажуваат и италијанските клубови, но Хрватот преферира да остане во Шпанија поради своето семејство.