Разнишаната Летонија мора да падне пред Македонија!

Летонија – Македонија, доста важен меч за македонската фудбалска репрезентација. Гостувањето во Рига на Даугава стадионот треба да биде лесно, но во Европа веќе нема лесни противници и фаворитската улога треба да се докаже и на терен. 

Македонија е огромен фаворит

По ремито со Израел на гости, сега со победа во Летонија, Македонија ќе ги одржи во живот шансите за пласман на второто место во групата. Оние порази од Полска и Австрија на домашен терен, неможат никако со овој дуел да се занемарат, но победа е императив. Дури после тоа ќе мора да се вадиме за тие порази но на гости кај Полска и Австрија. Има еден куп причини кои Македонија ја прават огромен фаворит против Летонија. Имаме поквалитетен состав во сите линии. Имаме поголеми цели и многу поголми амбиции. Имаме и одредена стандардност и веќе не стравуваме како порано во натпреварите со аутсајдерите, но сетоа тоа ќе мора да се потврди и на терен.

Проблеми за Македонија – Елмас повреден

Елмас се повреди на последниот тренинг на Македонија. Тоа е огромен проблем за селекторот пред овој важен меч. Елмас се повредил при еден навидум обичен дуел со голманот Илиев. Има оток на зглобот, а повеќе информации за тежината на повредата се очекуваат по деталните прегледи. Тој веднаш беше пренесен на медицински прегледи. Во секој случај тешко е да се верува дека Елмас ќе настапи на натпреварот. Без Елмас на теренот на Македонија ќе и биде многу потешко. Сега Адеми и Барди ќе треба да се трудат многу повеќе да го врзат средниот ред и нападот. Но затоа во првиот тим ќе се врати Пандев која ќе биде од голема помош, особено при разигрувањата во нападот. Во секој случај, јасно е дека селекторот веројатно ќе треба да ја смени и својата филозофија за овој дуел.

Со офанзивна формација против летонците

Против Израел бевме затворени, многу повеќе пазевме на својот гол отколку што гледавме кон голот на противникот. Сега ситуацијата ќе биде спротивна. Ангеловски ќе го менува составот и ќе изгледаме поофанзивно во формација 4-3-2-1. Во одбраната ќе бидат Велковски и Муслиу на центарските позиции и Белтулаи и Алиовски на крилните. Но Алиовски ќе има задача да биде поофанзивен со тоа што формацијата ќе се трансформира кога ќе одиме во напад. Во средината ќе стартуваат Адеми, Барди и Николов, а пред најистурениот Тричковски ќе бидат Пандев и Трајковски ( Радевски ).

Катастрофална серија на Летонија

Летонија беше катастрофална во Лигата на Нации и одигра под сите очекувања. Немаше забележано ниту една победа во група со Грузија, Казакстан и аматерската селекција од Андора. Четири ремија и два порази беше нивниот биланс.

Нивната игра се базира на цврстина и ништо друго. Во отсуство на технички квалитети, токму цврстината е нивната најсилна страна. Најопасни се по прекинитем, кога нивниот физикус доаѓа највеќе до израз.

Но ни тоа не е доолно за подобри резултати во квалификациите. Разочарувањата продолжија и сеуште траат. Во квалификациите имаат 5 порази со гол разлика од 19:1. Дури и тој единствен гол што го постигнаа, всушност беше автогол и тоа токму против Македонија кога загубија со 3:1. Следеше пораз од Полска со 2:0, од Израел со 0:3, од Словенија со 0:5 и овој последниот пред неколку дена од Австрија со 6:0. По такви резултати, јасно е зошто Македонија е огромен фаворит на ова гостување.