ПСЖ тргнува по ѕвездата на Тотенхем

Минатото лето многу европски гиганти се „тепаа“ за потписот на Танги Ндомбеле, но на крајот Тотенхем ја доби битката за неговиот потпис.

Ндомбеле пристигна во Тотенхем за 60 милиони евра, но веднаш беше јасно дека ќе му биде потребен подолг период за адаптација во Премиер лигата.

Покетино сметаше на него и му даваше шанса во стартниот тим, но Мурињо го загуби трпението и го „отпиша“ Французинот.

Ндомбеле на последните пет натпревари во Премиер лигата одигра само 63 минути, па медиумите на Островот пренесуваат дека „спарси“ се спремни да го продадат на лето.

Таквата ситуација сака да ја искористи ПСЖ, кој и минатото лето покажа интерес за Французинот. Интерес за Ндомбеле исто така покажува и раководството на Барселона.

PSG have shown an interest in Tottenham midfielder Tanguy Ndombele and they plan to make things difficult for Barça, who also want to sign the young Frenchman this summer. [md] pic.twitter.com/nSrG1wv3Af

— barcacentre (from ?) (@barcacentre) April 5, 2020