ПСЖ спреми 55 милиони за Донарума

Пари Сент Жермен не се откажува од идејата во своите редови да го донесе голманот на Милан, Џанлуиџи Донарума.

Според тврдењето на италијанските медиуми францускиот шампион е спремен да понуди 55 милиони евра за италијанскиот репрезентативец.

ПСЖ долго време е заинтересиран за 20-годишниот голман, но до сега Милан ги одбиваше нивните понуди. Меѓутоа, „светците“ сега се спрмени да ја платат бараната сума од 55 милиони евра.

„Светците“ се во потрага по квалитетен голман, а првата цел на Леонардо е токму Донарума и е решен да преземе конкретни чекори за ангажман на талентираниот Донарума.

Во Париз се надеваат дека понудената сума од 55 милиони евра ќе ги задоволи апетитите на „росонерите“, но прашање е дали самиот голман ќе се согласи на трансфер.

Италијанските медиуми пренесуваат дека Донарума преферира да остане на „Сан Сиро“ и е спремен да потпише нов договор со Милан.