ПСЖ покрај Кутињо бара уште една ѕвезда за Нејмар

Сагата околу враќањето на Нејмар во Барселона е главна тема ова лето, а шпанските медиуми пренесоа дека преговорите помеѓу двата клуба се официјално започнати.

Каталонските медиуми објавија дека Барса ќе понуди 100 милиони евра и Филипе Кутињо за потписот на Нејмар, кој не е среќен во Париз и сака по секоја цена да се врати на „Камп Ноу“.

Нејмар се согласил со сите услови за враќање во Барселона, па дури и јавно извинување за начинот на кој го напушти клубот пред две години, кога се пресели во ПСЖ за 222 милиони евра.

Сепак, на денешната насловна страница, каталонски „Спорт“ објави дека ПСЖ не е задоволен од првичната понуда на Барселона и бара во зделката да биде вклучен и Осман Дембеле.

Барселона не сака да се откаже од двете ѕвезди и му стави до знаење на ПСЖ дека може да избере еден од споменатите играчи, плус дополнителна сума во кеш.