ПСЖ на својот капитен му нуди нов договор, но прашање е дали ќе го потпише

Управата на ПСЖ ќе се обиде да го продолжи договорот со својот капитен, Тиаго Силва.

Стоперот и капитенот на ПСЖ има договор до крајот на сезоната, но управата на овој клуб планира набрзо да одржи состанок за продолжување на соработката.

Сепак, проблем може да прави тоа што не се подготвени да ги понудат условите кои ги има моментално, туку договорот ќе биде малку поразличен.

Тоа е сосема нормално бидејќи Силва има 35 години и е на залезот од својата кариера, па реално е да се очекува да добие договор на една година со нешто помали приходи.

Силва претходните недели се поврзуваше со враќање во Милан, но наводно се уште не донел одлука каде ќе игра следната сезона.