ПСЖ добива конкуренција: Во Париз се раѓа нов гигант

Екипата на ПСЖ откако е во сопственост на шеикот на Катар, доминира во францускиот фудбал, а наскоро може да добие конкуренција во Париз.

Последните информации велат дека во Париз би можел да се појави уште еден финансиски гигант.

Кралството Бахреин одлучи да купи 20% од акциите на второлигашот ФК Париз, а во иднина може да се случи потполно преземање на клубот.

Во моментов мнозински сопственик е Пјер Фарачи со 77% од акциите, но сепак Бахреин има намера да стане жестока конкуренција на Катар, па донесена е одлука да се тргне во голем проект наречен „Град на светлината“.

Овој клуб последен пат во Лига 1 играл во 1974 година. Оваа сезона во последен момент Париз ФК се спаси од испаѓање во понизок ранг, во Лига 2 го освоија 17 место, а планот е што поскоро да влезе во елитата.