ПСЖ бара попуст за Икарди

Аргентинскиот голгетер Мауро Икарди ова лето пристигна во ПСЖ и веднаш покажа дека станува збор за еден од најдобрите напаѓачи во светот.

После проблемите кои ги имаше во Интер брзо се адаптира во Париз и го истисна Кавани од првиот тим, па редовно ги тресе противничките мрежи.

ПСЖ има можност да го откупи неговиот договор на лето за 70 милиони евра и „светците“ сакаат да го задржат па веќе стапиле во контакт со Интер.

Меѓутоа, „светците“ сакаат да ја продолжат позајмицата на уште една година, поради финансиските загуби од пандемијата, објави „Екип“.

Исто така, парижаните се подготвени да понудат алтернативна опција – да го откупат договорот на Аргентинецот ова лето, но доколку „нероаѕурите“ ја намалат цената од 70 на 50 милиони евра.

Икарди има 20 голови и четири асистенции на 31 натпревар за ПСЖ во сезоната 2019/20.