Променет датумот за дербито помеѓу Арсенал и Челзи

Натпреварот од англиската Премиер лига помеѓу Арсенал и Челзи, кој требаше да се одигра на 29 април, од безбедносни причини беше одложен за 2 мај.

Во февруари 29 април беше одреден како датум за одигрување на натпреварот, но по дополнителните состаноци одлучено е натпреварот да се помести за три дена подоцна.

Заега нејасно е кои се безбедносните причини за поместување на натпреварот .

Лидерот во Премиер лигата во овој момент, Арсенал ќе добие три дополнителни слободни дена за да се соочи со градскиот ривал бидејќи на 26 април играат многу важен натпревар против второпласираниот Манчестер Сити.