Проблем за Барса и Валверде – „кошмарот“ на Челзи под знак прашалник за реваншот!?

Eрнесто Валверде би можел да се соочи со големи проблемо пред реваншот во 1/8 финалето во Лигата на шампионите каде што ќе играат против Челзи.

Повредата која Андрес Иниеста ја заработи минатиот викенд против Атлетико Мадрид би можела на Барселона да и создаде многу проблеми.

На „Ноу Камп“ стравуваат дека искусниот играч за врска нема да биде 100% спремен за реваншот кој на програмата е во среда. Како што дознава „Марка“ одлуката за неговиот настап ќе биде донесена во „последен момент“.

Да потсетиме, првиот натпревар на „Стенфорд Бриџ“ заврши без победник 1:1. „Сините“ оставија навистина добар впечаток, но една грешка во одбраната ги чинеше победа.

Иниеста во поновата фудбалска историја создаде големо ривалство помеѓу Барселона и Челзи. Како што е добро познато, токму Иниеста беше херојот во контроверзната победата на Каталонците во 2009 година со која Барса успеа да стигне до финалето во Лигата на шампионите, а подоцна и до трофејот во ова натпреварување.