Проблеми за Венгер: Новото засилување 2 месеци во „аут“

Нови проблеми за тренерот на Арсенал, на неколкуте повредени фудбалери сега им се приклучи и летното засилување на „топчиите“, Лукас Перез.
.
Два месеци ќе отсуствува од фудбалските терени Лукас Перез кој ги повреди лигаментите на скочниот зглоб на натпреварот против Рединг во англискиот Лига куп.

Поради тоа, до средината на декември Арсен Венгер ќе се соочува со проблеми во нападот на екипата, а Перез кој ова лето пристигна како засилување на Арсенал од екипата на шпански Депортиво ќе пропушти неколку важни натпревари.

Перез ќе ги пропушти натпреварите против Тотенхем, Манчестер Јунајтед и ПСЖ, но со оглед на тоа што тој не ни добиваше премногу шанса од Венгер, веројатно во екипата нема да се почувствува неговото отсуство.