Претседателот на ФС Италија: Потегот на Јувентус е пример за сите

Претседателот на фудбалскиот сојуз на Италија, Габриеле Гаврина го пофали потегот на управата и играчите на Јувентус и порача дека сите треба да го следат тој пример.

Имено за Јувентус да може да функционира нормално во време на пандемијата сите играчи на клубот се откажаа од својата плата до јуни. Гаврина го пофали ваквиот потег.

„Видете што направи Јувентус. Тоа е пример кој теба да го следат сите. Им се заблагодарувам на Киелини, останатите играчи и Маурицио Сари кои своите интереси ги ставија на второ место. Во вакво време солидарноста е најважното нешто и само така може да се надмине кризата. Ако фудбалот не продолжи наскоро последиците би можеле да бидат навистина големи“, изјави првиот човек на италијанскиот фудбал.